Únete á I Recollida Simultánea de paus de batea en Galiza! Unha actividade impulsada por ADEGA, Limpiarousa, Surfrider España e ProxectoaMARte para recoller tarugos, cada vez máis presentes no noso litoral, e axudar así a conservar o medio mariño.
🗓️ Fin de semana do 31 de xaneiro, 1 e 2 de febreiro.
📍 Como participar?
1. Podes inscribirte ás limpezas organizadas por estas catro entidades:
-Praias de Ferrol: Doniños · 31 de xaneiro / San Xurxo · 1 de febreiro / Santa Comba · 2 de febreiro (máis info e inscricións: proxectoamarte@gmail.com).
-Praias de Cambados, Vilanova de Arousa, Vilagarcía, Rianxo e O Grove: durante o 31 de xaneiro, 1 e 2 de febreiro (máis info e inscricións: limpiarousa@gmail.com).
-Praias de Muros: Area Maior · 1 de febreiro / Ancoradoiro · 1 de febreiro (máis info e inscricións: itziar@adega.gal).
**Para coñecer detalles das limpezas (horas, punto de quedada…) e para inscribirte, ponte en contacto coas direccións de correo correspondentes.
2. Podes desenvolver a acción na túa praia máis próxima. Como? É moi sinxelo:
- Escolle o día (31 de xaneiro, 1 ou 2 de febreiro) e o lugar onde vas realizar a limpeza, soamente dunha hora de duración.
- Recolle o maior número de tarugos que poidas. Achéganos os resultados da recollida NESTE FORMULARIO, para contar con datos sobre a incidencia deste residuo nas nosas costas.
- Unha vez feito, deposítaos no colector correspondente. Lembra que non son envases lixeiros! Tamén poderías gardalos para entregar ás compas de Limpiarousa.
Non esquezas etiquetarnos nas túas fotos e vídeos e utiliza o cancelo #tarugotón25.
Cantos tarugos podemos recoller nunha hora? Súmate ao reto! O noso mar agradecerao!
